ເປີດຕົວແຜນການເພື່ອຊ່ວຍເຫຼືອລາວໃນການເຂົ້າສູ່ການຄ້າໂລກ
(ຂປລ) ທ່ານ ລີອອນ ພອລ ເຟເບີ ເອກອັກຄະລັດຖະທູດສະຫະພາບເອີຣົບປະຈຳ ສປປ ລາວ, ທ່ານ ເຂັມມະນີ ພົນເສນາ ລັດຖະມົນຕີກະຊວງການຄ້າ ແລະ ອຸດສາຫະກຳ, ແລະ ທ່ານ ຣັດນະຄາ ອະທິກາຣີ ອຳນວຍການໂຄງການ EIF ຮ່ວມເປີດຕົວແຜນຍຸດທະສາດ 2019-2022 ກ່ຽວກັບໂຄງການໂຄງສ້າງການເສີມຂະຫຍາຍການລວມສູນ (EIF): ການເຊື່ອມໂຍງແນວທາງໃໝ່ສຳລັບປະເທດດ້ອຍພັດທະນາທີ່ສຸດໃນການຄ້າລະດັບໂລກ ແລະ ພາກພື້ນ.
ແຜນການດັ່ງກ່າວແມ່ນແນໃສ່ການສົ່ງເສີມລາວໃນການນຳໃຊ້ຂະແໜງການຄ້າ ແລະ ການລົງທຶນ ເພື່ອການລວມຕົວກັບການຄ້າລະດັບໂລກ ເພື່ອສົ່ງເສີມການພັັດທະນາແບບຍືນຍົງ ແລະ ການຫຼຸດຜ່ອນຄວາມທຸກຍາກ.
ຂປລ
